യുവന്റസ് ഗോൾ കീപ്പർ ചെസ്നിയെ സ്വന്തമാക്കാൻ അൽ നസർ രംഗത്ത്. ചെസ്നിയുമായി യുവന്റസ് ചർച്ചകൾ ആരംഭിച്ചതായി ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നു. യുവന്റസ് ചെസ്നിയെ വിൽക്കാൻ ആലോചിക്കുന്നുണ്ട്. അവർ പുതിയ കീപ്പറായ ഡി ഗ്രിഗോറിയോയെ ടീമിലേക്ക് എത്തിക്കുന്നുണ്ട്. ചെസ്നിയും യുവന്റസ് വിടാൻ ആഗ്രഹിക്കുന്നുണ്ട്.
പോളിഷ് ഇന്റർനാഷണൽ 2017-ൽ എത്തിയതിന് ശേഷം യുവന്റസിന്റെ പ്രധാന കളിക്കാരനാണ്. യുവന്റസിനൊപ്പം 250ൽ അധികം മത്സരങ്ങൾ കളിച്ചു. 3 ലീഗ് കിരീടങ്ങൾ അടക്കം എട്ട് കിരീടങ്ങൾ ചെസ്നി നേടിയിട്ടുണ്ട്. ഈ സീസണിൽ ലീഗ് കിരീടം നഷ്ടപ്പെട്ട അൽ നസർ പുതിയ സീസണായി വൻ താരങ്ങളെ ആണ് ടീമിൽ എത്തിക്കാൻ ശ്രമിക്കുന്നത്.