ജർമ്മൻ താരം ടിമോ വെർണറിനെ സ്പർസ് സ്വന്തമാക്കി. താരത്തെസൈൻ ചെയ്തതായി സ്പർസ് ഔദ്യോഗികമായി പ്രഖ്യാപിച്ചു. ലോണിൽ ആണ് താരത്തെ സ്പർസ് സ്വന്തമാക്കുന്നത്. ലോൺ ആണെങ്കിലും അത് കഴിഞ്ഞ് 15 മില്യൺ നൽകിയാൽ സ്പർസിന് താരത്തെ സ്വന്തമാക്കാൻ ആകും. സ്പർസിൽ വെർണർ നമ്പർ 16 ജേഴ്സി ധരിക്കും.
It's Timo time. pic.twitter.com/cRB9mcWErH
— Tottenham Hotspur (@SpursOfficial) January 9, 2024
ലെപ്സിഗ് താരമായ വെർണർ അവിടെ അത്ര നല്ല ഫോമിൽ ആയിരുന്നില്ല. അധികം അവസരം കിട്ടാത്തതും താരം ക്ലബ് വിടാൻ കാരണമായി. മുമ്പ് ചെൽസിയുടെ ഒപ്പം പ്രീമിയർ ലീഗിൽ ടിമോ വെർണർ കളിച്ചിട്ടുണ്ട്. ചെൽസിയിൽ ഫോമിൽ എത്താൻ ആകാത്തതോടെ ഒരു സീസൺ മുമ്പ് താരം തിരികെ ലെപ്സിഗിലേക്ക് പോവുക ആയിരുന്നു. ചെൽസിക്ക് ഒപ്പം 89 മത്സരങ്ങളിൽ നിന്ന് 23 ഗോളുകൾ വെർണർ നേടി.