മാഞ്ചസ്റ്റർ യുണൈറ്റഡ് മധ്യനിര താരം വാൻ ഡെ ബീക് ലാലിഗയിലേക്ക്. താരത്തെ ജിറോണ സ്വന്തമാക്കുന്നതിന് അടുത്ത് എത്തിയിരിക്കുകയാണ്. ഇതിനായി ക്ലബുകൾ തമ്മിൽ ധാരണയിൽ ആയി. ഇനി താരവും ജിറോണയും തമ്മിൽ കരാർ ധാരണയിൽ എത്തിയാൽ ട്രാൻസ്ഫർ നടക്കും. മാഞ്ചസ്റ്റർ യുണൈറ്റഡിന് 5 മില്യൺ മാത്രമെ ട്രാൻസ്ഫർ ഫീ ആയി ലഭിക്കൂ.
അവസാന ആറ് മാസം ലോൺ അടിസ്ഥാനത്തിൽ വാൻ ഡെ ബീക് ജർമ്മൻ ക്ലബായ ഫ്രാങ്ക്ഫർട്ടിൽ ആയിരുന്നു കളിച്ചത്. അവസാന സമ്മർ മുതൽ മാഞ്ചസ്റ്റർ യുണൈറ്റഡ് താരത്തെ വിൽക്കാൻ ശ്രമിക്കുന്നുണ്ട്.
മൂന്ന് സീസണിൽ അധികമായി ക്ലബിൽ എത്തിയിട്ട് എങ്കിലും ഓർമ്മിക്കാൻ ഒരു നല്ല പ്രകടനം പോലും വാൻ ഡെ ബീക് മാഞ്ചസ്റ്ററിൽ നടത്തിയിട്ടില്ല. ഡച്ച് യുവതാരം ഒരു സീസൺ മുമ്പ് എവർട്ടണിൽ ലോണിലേക്ക് പോയെങ്കിലും അവിടെയും വാൻ ഡെ ബീകിന് അവിടെയും തിളങ്ങാൻ ആയിരുന്നില്ല.