ഫെയ്നൂർദ് മധ്യനിര താരം ഓർകുൻ കുക്ച്ചുവിൽ താല്പര്യം പ്രകടപ്പിച്ച് വെസ്റ്റ്ഹാം. 2018 മുതൽ ഫെയ്നൂർദ് സീനിയർ ടീമിന്റെ ഭാഗമായ ഇരുപത്തിയൊന്നുകാരനിൽ യൂറോപ്പിലെ പല വമ്പന്മാരും നോട്ടമിട്ടിട്ടുണ്ട്. വെസ്റ്റ്ഹാം ഇത്തവണത്തെ ട്രാൻസ്ഫർ ജലകത്തിലൂടെ ടീമിൽ എത്തിക്കാൻ ശ്രമിക്കുന്നതിൽ പ്രമുഖനാണ് ഈ തുർക്കി താരം.
നെതർലാൻഡ്സ് യൂത്ത് ടീമുകൾക്ക് വേണ്ടി പന്തു തട്ടിയിട്ടുള്ള കുക്ച്ചു പിന്നീട് തുർക്കിക് വേണ്ടിയാണ് സീനിയർ തലത്തിൽ കളത്തിലിറങ്ങിയത്. ഫെയ്നൂർദിന് വേണ്ടി നാലു സീസണുകളിലായി 92 മത്സരങ്ങളിൽ ഇറങ്ങി. അവസാന സീസണിൽ 9 വീതം അസിസ്റ്റും ഗോളും നേടി മികച്ച ഫോമിൽ ആയിരുന്നു. തുർക്കി ദേശിയ ടീമിന് വേണ്ടി ഇതുവരെ 8 മത്സരങ്ങളിൽ ബൂട്ട്കെട്ടി.
