അയാക്സ് ഡിഫൻഡർ ജൂറിയൻ ടിംബറിനെ ടീമിലേൽക് എത്തിക്കാൻ ആഴ്സണൽ ശ്രമിക്കുന്നു. ആഴ്സണൽ 30 മില്യൺ പൗണ്ട് ഓപ്പണിംഗ് ബിഡ് സമർപ്പിച്ചതായി അത്ലെറ്റിക് റിപ്പോർട്ട് ചെയ്യുന്നു. 22-കാരൻ ഈ സീസണിൽ അയാക്സ് വിട്ട് യൂറോപ്പിലെ വലിയ ടീമുകളിൽ ഒന്നിലേക്ക് മാറാൻ ആണ് ആഗ്രഹിക്കുന്നത്. ഡച്ച് ക്ലബ്ബ് പക്ഷെ £50 മില്യണെങ്കിലും കിട്ടിയാലെ താരത്തെ വിൽക്കാൻ തയ്യാറാകൂ.
സെന്റർ-ബാക്ക് ആയും റൈറ്റ്-ബാക്ക് ആയും കളിക്കാൻ കഴിയുന്ന ടിംബർ, അയാക്സ് അക്കാദമിയിലൂടെയാണ് വളർന്നു വന്നത്. നെതർലാൻഡ്സിനായി 15 അന്താരാഷ്ട്ര മത്സരങ്ങൾ ഇതുവരെ കളിച്ചിട്ടുണ്ട്. അജാക്സിനായി ആകെ 121 മത്സരങ്ങൾ അദ്ദേഹം ഇതുവരെ കളിച്ചിട്ടുണ്ട്. ആഴ്സണൽ മാത്രമല്ല മാഞ്ചസ്റ്റർ യുണൈറ്റഡ്, ലിവർപൂൾ എന്നുവരും ടിംബറിനായി രംഗത്ത് ഉണ്ട്.