ജർമ്മൻ താരം ടിമോ വെർണറിനെ സ്പർസ് സ്വന്തമാക്കും. ലോണിൽ ആണ് താരത്തെ സ്പർസ് സ്വന്തമാക്കുന്നത്. മാഞ്ചസ്റ്റർ യുണൈറ്റഡും രംഗത്ത് ഉണ്ടായിരുന്നു എങ്കിലും സ്പർസുമായി താരം കരാറിൽ എത്തുക ആയിരുന്നു. ലോൺ ആണെങ്കിലും അത് കഴിഞ്ഞ് 15 മില്യൺ നൽകിയാൽ സ്പർസിന് താരത്തെ സ്വന്തമാക്കാൻ ആകും.
ലെപ്സിഗ് താരമായ വെർണർ അവിടെ അത്ര നല്ല ഫോമിൽ അല്ല. അധികം അവസരം കിട്ടാത്തതും താരം ക്ലബ് വിടാൻ കാരണമായി. മുമ്പ് ചെൽസിയുടെ ഒപ്പം പ്രീമിയർ ലീഗിൽ ടിമോ വെർണർ കളിച്ചിട്ടുണ്ട്. ചെൽസിയിൽ ഫോമിൽ എത്താൻ ആകാത്തതോടെ ഒരു സീസൺ മുമ്പ് താരം തിരികെ ലെപ്സിഗിലേക്ക് പോവുക ആയിരുന്നു.