വെസ്റ്റ് ഹാം യുണൈറ്റഡ് പിഎസ്ജി മിഡ്ഫീൽഡർ കാർലോസ് സോളറെ സ്വന്തമാക്കുന്നു. 27കാരനെ കൈമാറുന്നതിന് 23 മില്യൺ യൂറോ വിലയുള്ള ഒരു കരാറിൽ ഒരു ക്ലബുകളും ധാരണയിൽ എത്തി. 27-കാരൻ ഇതുവരെ വെസ്റ്റ് ഹാമുമായി കരാർ ധാരണയിൽ എത്തിയിട്ടില്ല. അതുകൂടെ തീരുമാനം ആയാൽ ഈ ട്രാൻസ്ഫർ പൂർത്തിയാകും.
സോളറിന് മുന്നിൽ നാല് വർഷത്തെ കരാർ വെസ്റ്റ് ഹാം വെച്ചിട്ടുണ്ട്. 2022-ൽ 22 മില്യൺ യൂറോ ഇടപാടിൽ ആണ് വലെൻസിയയിൽ നിന്ന് പി എസ് ജിയിൽ എത്തിയത്. ഇതുവരെ പി എസ് ജിക്ക് ആയി 50ൽ അധികം മത്സരങ്ങൾ കളിച്ചിട്ടുണ്ട്. സ്പെയിൻ ദേശീയ ടീമിനായി 14 മത്സരങ്ങളും സോളർ കളിച്ചിട്ടുണ്ട്.