ചെൽസിയുടെ ക്രിസ്റ്റ്യൻ പുലിസിക്ക് എ സി മിലാന്റെ താരമായി മാറുന്നു. ഫ്രഞ്ച് ക്ലബായ ലിയോണിനെ മറികടന്ന് മിലാൻ തന്നെ പുലിസികെ സ്വന്തമാക്കും എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു. പുലിസികും എ സി മിലാനും തമ്മിൽ ഇതിനകം കരാർ ധാരണയിൽ എത്തിയിട്ടുണ്ട്. താരത്തിനായി ഇപ്പോൾ 22 മില്യന്റെ ഒരു ബിഡ് മിലാൻ സമർപ്പിച്ചതായാണ് റിപ്പോർട്ടുകൾ. ഈ ബിഡ് ചെൽസി സ്വീകരിക്കും.
24-കാരനായ യുണൈറ്റഡ് സ്റ്റേറ്റ്സ് ഇന്റർനാഷണൽ താരത്തിനായി ലിയോണും 20 മില്യണു മേൽ ബിഡ് സമർപ്പിച്ചിരുന്നു. ഈ സീസണിൽ എന്തായാലും ചെൽസി വിടുകയാണ് പുലിസികിന്റെ ലക്ഷ്യം എന്ന് നേരത്തെ താരം തന്നെ വ്യക്തമാക്കിയിരുന്നു. മുൻ ബൊറൂസിയ ഡോർട്ട്മുണ്ട് താരം ചെൽസിക്ക് ഒപ്പം അവസൺ നാല് സീസണുകളിലായി ഉണ്ട്. ചെൽസിക്ക് ആയി 145 മത്സരങ്ങളിൽ നിന്ന് 26 ഗോളുകൾ താരം നേടി.