Category: Transfer

സീസണിന്റെ ശേഷിക്കുന്ന സമയത്തേക്ക് ചെൽസിയിൽ നിന്ന് ആക്സൽ ഡിസാസിയെ ലോണിൽ ആസ്റ്റൺ വില്ല സ്വന്തമാക്കി. ഡിഫൻഡറിനായി ക്ലബ് ഏകദേശം 5 മില്യൺ പൗണ്ട് ലോൺ ഫീ ആയി നൽകും.

മാഞ്ചസ്റ്റർ യുണൈറ്റഡിൽ നിന്ന് അവർ റാഷ്ഫോർഡിനെയും പാരീസ് സെന്റ് ജെർമെയ്നിൽ നിന്നും മാർക്കസ് റാഷ്‌ഫോർഡിനെയും വില്ല ഈ വിൻഡോയിൽ തന്നെ സ്വന്തമാക്കിയിരുന്നു‌. ഇതിനു പിന്നാലെയാണ് ഡിസാസിയും എത്തുന്നത്.

ഡിസാസി ചെൽസിക്കായി 17 മത്സരങ്ങൾ കളിച്ചിട്ടുണ്ട്, പക്ഷേ ഒരു പതിവ് സ്റ്റാർട്ടർ ആയിരുന്നില്ല. ഇതാണ് താരം ക്ലബ് വിടാനുള്ള കാരണം.

ചെൽസിയുടെ ഫ്രഞ്ച് മുന്നേറ്റനിര താരം ക്രിസ്റ്റഫർ എങ്കുങ്കു ക്ലബ് വിടില്ല. ആർ.ബി ലൈപ്സിഗിൽ നിന്നു വലിയ തുകക്ക് ടീമിൽ എത്തിയ ശേഷം പക്ഷെ ആദ്യ പതിനൊന്നിൽ ചെൽസിയിൽ ഇടം നേടാൻ എങ്കുങ്കു വിഷമിച്ചിരുന്നു. തുടർന്ന് ആണ് താരത്തെ വിൽക്കാനുള്ള ശ്രമം ചെൽസി നടത്തിയത്.

എന്നാൽ ലോണിൽ ചെൽസി വിടാൻ താരത്തിനും താൽപ്പര്യം ഇല്ലായിരുന്നു. താരത്തിന് ആയി മാഞ്ചസ്റ്റർ യുണൈറ്റഡ്, ബയേൺ മ്യൂണിക് ക്ലബുകൾ ആണ് ഈ ട്രാൻസ്ഫർ ജാലകത്തിൽ ശ്രമിച്ചത്. എന്നാൽ ചെൽസി ആവശ്യപ്പെട്ട 65/70 മില്യൺ യൂറോ നൽകാൻ ഇരു ക്ലബുകളും തയ്യാറായില്ല. നിലവിലെ അവസ്ഥയാണ് എങ്കിൽ അടുത്ത ട്രാൻസ്ഫർ വിപണിയിൽ ക്ലബ് വിടാൻ ആവും എങ്കുങ്കു ശ്രമം.

എ.എസ്. മൊണാക്കോയുടെ താൽപ്പര്യം അവഗണിച്ച് ലൊണ്ട് ജോർദാൻ ഹെൻഡേഴ്സൺ അയാക്സിൽ തന്നെ തുടരും. ഹെൻഡേഴ്സണും അയാക്സും തമ്മിലുള്ള ചർച്ചകളിലാണ് താരം ഡച്ച് ക്ലബിനൊപ്പം തന്നെ തുടരാൻ തീരുമാനമായത്.

അൽ ഇത്തിഫാക്ക് വിട്ട് 2024 ജനുവരിയിൽ ആയിരുന്നു ഹെൻഡേഴ്സൺ അയാക്സിൽ ചേർന്നത്. മുൻ ലിവർപൂൾ ക്യാപ്റ്റന് ഇതുവരെ അയാക്സിലും നല്ല പ്രകടനങ്ങൾ കാഴ്ചവെക്കാൻ ആയിട്ടുണ്ട്.

34 കാരനായ മിഡ്ഫീൽഡർ ഈ സീസണിൽ അയാക്സിനായി 31 മത്സരങ്ങൾ കളിച്ചു. അദ്ദേഹത്തിന്റെ ക്യാപ്റ്റൻസിയിൽ, അയാക്സ് ഇപ്പോൾ നിലവിൽ എറെഡിവിസിയിൽ രണ്ടാം സ്ഥാനത്താണ്,

യുവന്റസിൽ നിന്ന് ലോൺ അടിസ്ഥാനത്തിൽ ആർതർ മെലോ ജിറോണ എഫ്‌സിയിൽ ചേരുന്നു. രണ്ട് ക്ലബ്ബുകളും തമ്മിൽ കരാർ ധാരണയിൽ എത്തിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. സാന്റോസും താരത്തിനായി രംഗത്ത് ഉണ്ടായിരുന്നു. എങ്കിലും, യൂറോപ്പിൽ തന്നെ തുടരാനാണ് ആർതർ തീരുമാനിച്ചത്. ഈ കരാറിൽ ബൈ ഓപ്ഷൻ ഉണ്ടാകില്ല. ജൂണിൽ ആർതർ യുവന്റസിലേക്ക് മടങ്ങുമെന്ന് പ്രതീക്ഷിക്കുന്നു..

28 കാരനായ ആർതർ മെലോ എഫ്‌സി ബാഴ്‌സലോണ, ലിവർപൂൾ എന്നിവയുൾപ്പെടെ മുൻനിര യൂറോപ്യൻ ക്ലബ്ബുകളിലും മുമ്പ് കളിച്ചിട്ടുണ്ട്.