ലെഫ്റ്റ് ബാക്ക് മിലോസ് കെർകസിനെ ബൗണ്മത് സ്വന്തമാക്കി AZ അൽക്മറിന്റെ യുവതാരത്തെ 18 മില്യൺ പൗണ്ട് നൽകിയാണ് ബൗണ്മത് സൈൻ ചെയ്യുന്നത്. ബെൻഫികയും ലാസിയോയും താരത്തിനായി നേരത്തെ രംഗത്ത് ഉണ്ടായിരുന്നു. അറ്റാക്കികും ഡിഫൻസിലും ഒരുപോലെ മികവുള്ള ഫുൾ ബാക്ക് ആണ് കെർകസ്.
കഴിഞ്ഞ സീസണിൽ 33 ഡച്ച് ലീഗ് മത്സരങ്ങളിൽ നിന്ന് 19 കാരനായ താരം മൂന്ന് ഗോളുകളും ഒരു അസിസ്റ്റും നേടിയിരുന്നു. ആറ് ക്ലീൻ ഷീറ്റുകൾ നിലനിർത്താൻ അദ്ദേഹം ടീമിനെ സഹായിക്കുകയും ചെയ്തു. ഇതുകൂടാതെ യൂറോപ്പ കോൺഫറൻസ് ലീഗിൽ കെർകെസ് രണ്ട് ഗോൾ നേടുകയും മൂന്ന് അസിസ്റ്റ് നൽകുകയും ചെയ്തിരുന്നു.
കഴിഞ്ഞ വർഷം ഹംഗറിക്ക് ആയി അരങ്ങേറ്റം കുറിച്ച താരം എട്ട് മത്സരങ്ങൾ ഇതുവരെ രാജ്യത്തിനായി കളിച്ചിട്ടുണ്ട്.