ചെൽസിയുടെ യുവ മിഡ്ഫീൽഡർ മേസൺ മൗണ്ടിനെ സ്വന്തമാക്കാനുള്ള മാഞ്ചസ്റ്റർ യുണൈറ്റഡ് ശ്രമങ്ങൾക്ക് തുടരുന്നു. ചെൽസി മാഞ്ചസ്റ്റർ യുണൈറ്റഡിന്റെ ആദ്യ ബിഡ് തള്ളിയിരുന്നു. ഇതിനു പിന്നാലെ യുണൈറ്റഡ് രണ്ടാം ബിഡ് സമർപ്പിച്ചതായി ഇംഗ്ലീഷ് മാധ്യമങ്ങൾ റിപ്പോർട്ട് ചെയ്യുന്നു. മൗണ്ടിനായി മാഞ്ചസ്റ്റർ യുണൈറ്റഡ് 40 മില്യൺ പൗണ്ട് ആയിരുന്നു ആദ്യം ബിഡ് ചെയ്തത്. ഇപ്പോൾ അത് 50 മില്യണായി ഉയർത്തി എന്നാണ് റിപ്പോർട്ട്.
ചെൽസി മൗണ്ടിനായി ആവശ്യപ്പെടുന്ന തുക 80 മില്യണിൽ നിന്ന് 70 മില്യൺ പൗണ്ട് ആക്കി കുറച്ചിട്ടുണ്ട്. മൗണ്ടും മാഞ്ചസ്റ്റർ യുണൈറ്റഡുമായി കരാർ ധാരണയിൽ ഇതിനകം തന്നെ എത്തിയിട്ടുണ്ട്. മൗണ്ടിന് പുതിയ കരാർ നൽകാനുള്ള ശ്രമങ്ങൾ ചെൽസി അവസാനിപ്പിക്കുകയും ചെയ്തു.
ചെൽസിയുടെ യൂത്ത് അക്കാദമിയുടെ റാങ്കുകളിലൂടെ ഉയർന്ന വന്ന താരമാണ് മൗണ്ട്. ചെൽസിക്ക് ഒപ്പം ചാമ്പ്യൻസ് ലീഗ് കിരീടം വരെ നേടിയിട്ടുണ്ട്.