ബൊലോഗ്ന സ്ട്രൈക്കർ മാർക്കോ അർനൗട്ടോവിച്ചിനെ സ്വന്തമാക്കാൻ ഇന്റർ മിലാൻ ശ്രമിക്കുന്നു. ഒരു യുവ സ്ട്രൈക്കറെ കൊണ്ടുവരാൻ ഇന്റർ മിലാൻ ആഗ്രഹിച്ചിരുന്നു എങ്കിലും ഇപ്പോൾ തൽക്കാലം അർനൗട്ടോവിച്ചിനെ ആണ് ലക്ഷ്യമിടുന്നത്. അർനൗട്ടോവിചുമായി ഇന്റർ മിലാൻ കരാർ ധാരണയിൽ എത്തിയിട്ടുണ്ട് എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു.
കഴിഞ്ഞ ഏപ്രിലിൽ 34 വയസ്സ് തികഞ്ഞ അർനൗട്ടോവിച്ചിന് ഇപ്പോൾ ബൊലോഗ്നയിൽ 2025 ജൂൺ വരെ കരാറുണ്ട്, ഓസ്ട്രിയ ഇന്റർനാഷണൽ വിൽക്കാൻ 8 മില്യൺ യൂറോയാണ് ബൊലോഗ്ന ആവശ്യപ്പെടുന്നത്. കഴിഞ്ഞ സീസണിൽ 20 സീരി എ മത്സരങ്ങളിൽ ഒമ്പത് ഗോളുകൾ താരം നേടിയിരുന്നു. നേരത്തെ എ സി മിലാനും താരത്തെ സ്വന്തമാക്കാൻ ശ്രമിച്ചിരുന്നു. കഴിഞ്ഞ ജനുവരിയിൽ മാഞ്ചസ്റ്റർ യുണൈറ്റഡും അർണാടൊവിചിന് പിറകിൽ ഉണ്ടായിരുന്നു.
മുമ്പ് താരം വെസ്റ്റ് ഹാമിലും സ്റ്റോക് സിറ്റിയും കളിച്ചിട്ടുണ്ട്. 2009-10 സീസണിൽ ഇന്റർ മിലാൻ ലോണിൽ കളിച്ചിട്ടുണ്ട് എങ്കിൽ അന്ന് തിളങ്ങാൻ അദ്ദേഹത്തിനായിരുന്നില്ല.