ബാഴ്സലോണയുടെ യുവ സ്ട്രൈക്കർ മാർക് ഗ്യുവിനെ ചെൽസി സ്വന്തമാക്കുന്നു. താരത്തിന്റെ 6 മില്യൺ യൂറോ (5 മില്യൺ പൗണ്ട്) റിലീസ് ക്ലോസ് ട്രിഗർ ചെയ്ത് താരത്തെ സ്വന്തമാക്കാൻ ആണ് ചെൽസി തീരുമാനിച്ചിരിക്കുന്നത്. താരത്തിന് ബാഴ്സലോണ ഒരു പുതിയ കരാർ വാഗ്ദാനം ചെയ്തിട്ടുണ്ട് എങ്കിലും ഇതുവരെ അതിൽ ബാഴ്സലോണക്ക് ഗ്യു മറുപടി നൽകിയിട്ടില്ല.
കഴിഞ്ഞ സീസണിൽ ബാഴ്സലോണക്കായി ഏഴ് മത്സരങ്ങൾ കളിച്ച 18കാരൻ രണ്ട് ഗോളുകൾ നേടിയിരുന്നു. കഴിഞ്ഞ ഒക്ടോബറിൽ അത്ലറ്റിക് ബിൽബാവോക്ക് എതിരായ മത്സരത്തിൽ ആയിരുന്നു സീനിയർ അരങ്ങേറ്റം. ബാഴ്സലോണ ബിക്ക് ആയി 17 മത്സരങ്ങളിൽ നിന്ന് ആറ് ഗോളുകൾ താരം നേടി.
ബയേൺ മ്യൂണിക്കും ഗ്യുവിനെ സൈൻ ചെയ്യാൻ ശ്രമിക്കുന്നുണ്ടെങ്കിലും ചെൽസി ആണ് താരത്തെ സ്വന്തമാക്കാൻ ഇപ്പോൾ ഫേവറിറ്റ്സ്.