മാഞ്ചസ്റ്റർ സിറ്റി കുകുറേയെ ഉടൻ സ്വന്തമാക്കും

മാഞ്ചസ്റ്റർ സിറ്റിയുടെ ഫുൾബാക്കായ സിഞ്ചെങ്കോ ആഴ്സണലിൽ പോകും എന്ന് ഉറപ്പായതോടെ സിറ്റി കുകുറേയയെ സ്വന്തമാക്കാൻ ഉള്ള ശ്രമം വേഗത്തിൽ ആക്കും. കഴിഞ്ഞ സീസണിൽ ബ്രൈറ്റന്റെ ലെഫ്റ്റ് ബാക്ക് പൊസിഷനിൽ ആരെയും അത്ഭുതപ്പെടുത്തുന്ന പ്രകടനം കാഴ്ചവെച്ച കുകുറേയക്കായി മാഞ്ചസ്റ്റർ സിറ്റി ഉടൻ അവസാന ബിഡ് സമർപ്പിക്കും എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു.

പെപ് ഗ്വാർഡിയോള താരത്തെ എന്തായാലും സിറ്റിയിൽ എത്തിക്കണം എന്ന് ക്ലബ് മാനേജ്മെന്റിനോട് ട്രാൻസ്ഫർ വിൻഡോയുടെ തുടക്കത്തിൽ തന്നെ പറഞ്ഞിരുന്നു. 23കാരനായ താരം കഴിഞ്ഞ സീസൺ തുടക്കത്തിൽ ആയിരുന്നു ബ്രൈറ്റണിലെത്തിയത്.

ഗ്രഹാം പോട്ടറിന്റെ കീഴിൽ ലോകനിലവാരമുള്ള താരമായി കുകുറേയ മാറി. ബാഴ്സലോണയുടെയും എസ്പാന്യോളിന്റെയും അക്കാദമികളിലൂടെ ആണ് കുകുറേയ വളർന്നത്. ബാഴ്സലോണ ബി ടീമിനായി 3 വർഷത്തോളം കളിച്ചിരുന്നു. ബാഴ്സലോണ സീനിയർ ടീമിൽ അവസരം ലഭിക്കാതെ വന്നതോടെ താരം ഗെറ്റഫയിലേക്ക് പോയി. അവിടെ നിന്നായിരുന്നു താരം ബ്രൈറ്റണിലേക്ക് വന്നത്. കുകുറേയയെ വിട്ടു കൊടുക്കണം എങ്കിൽ വലിയ തുക തന്നെ ബ്രൈറ്റൺ ആവശ്യപ്പെടും.