റൊമേലു ലുകാകുവിനെ സ്വന്തമാക്കാനുള്ള യുവന്റസ് ശ്രമങ്ങൾ വിജയിക്കുന്നു.അവർ ഇപ്പോൾ ലുകാകുവുനായി കരാർ ധാരണയിൽ എത്തിയിട്ടുണ്ട്. 3 വർഷത്തെ കരാർ ലുകാകു യുവന്റസിൽ ഒപ്പുവെക്കാൻ തയ്യാറാണ്. ഇനി ട്രാൻസ്ഫർ തുകയുടെ കാര്യത്തിൽ ആണ് തീരുമാനം ആകേണ്ടത്. സ്ട്രൈക്കർ ദുസാൻ വ്ലാഹോവിചിനെ പകരം നൽകാൻ ആണ് യുവന്റസ് ശ്രമിച്ചു കൊണ്ടിരിക്കുന്നത്.
ചെൽസി ലുകാകുവിനെയും ഒപ്പം പണവും കൈമാറിയാൽ യുവന്റസ് വ്ലാഹോവിചിനെ വിട്ടു നൽകാൻ തയ്യാറാകും. അല്ലാതെ ആണെങ്കിൽ 30 മില്യൺ വരെ ലുകാലുവിന് നൽകാനും യുവന്റസ് ഒരുക്കമാണ്. ലുകാകു തന്നെയാണ് യുവന്റസിന്റെ ഈ ട്രാൻസ്ഫർ ടാർഗറ്റിൽ ഏറ്റവും പ്രധാനപ്പെട്ട ആൾ.
ഇന്ററുമായുള്ള ചർച്ചകൾ തകരുകയും സൗദി അറേബ്യയിൽ പോകാൻ ലുകാകു വിസമ്മതിക്കുകയും ചെയ്തതോടെ ചെൽസി താരത്തെ വിൽക്കാൻ ആവാതെ പ്രതിസന്ധിയിലാണ്.