ലിവർപൂളിന്റെ പ്രധാന താരങ്ങളിൽ ഒരാളായ ലൂയിസ് ഡയസിനായി സൗദി അറേബ്യയിൽ നിന്ന് വൻ ഓഫർ.സൗദി ക്ലബായ അൽ ഹിലാൽ 60 മില്യണോളം വരുന്ന ഓഫറാണ് ലിവർപൂളിനു മുന്നിൽ വെച്ചത്. താരത്തിന് ലിവർപൂളിൽ കിട്ടുന്നതിനേക്കാൾ മൂന്ന് മടങ്ങോളം സാലറിയും അൽ ഹിലാൽ വാഗ്ദാനം ചെയ്യുന്നു. എന്നാൽ എത്ര വലിയ ഓഫർ വന്നാലും ഡിയസിനെ വിൽക്കില്ല എന്നാണ് ലിവർപൂളിന്റെ നിലപാട്.
ഡിയസിനെ ടീമിലെ ഏറ്റവും പ്രധാനപ്പെട്ട താരങ്ങളിൽ ഒരാളായാണ് ക്ലോപ്പ് കണക്കാക്കുന്നത്. ഇതിനകം ഹെൻഡേഴ്സൺ, ഫബിനോ എന്നിവർ ലിവർപൂൾ വിട്ട് സൗദിയിലേക്ക് പോകുന്നതിന് അടുത്താണ്. ലൂയിസിന്റെ കാര്യത്തിൽ ലിവർപൂൾ താരം വിൽപ്പനക്കില്ല എന്ന നിലപാടിലാണ്.
2022 ജനുവരിയിൽ എഫ്സി പോർട്ടോയിൽ നിന്ന് എത്തിയതിബു ശേഷം ലിവർപൂളിനായി ഇറങ്ങിയപ്പോൾ ഒക്കെ നല്ല പ്രകടനം കാഴ്ചവെക്കാൻ കൊളംബിയൻ ഫോർവേഡിനായിട്ടുണ്ട്. കഴിഞ്ഞ മാസം താരത്തിന് ഐക്കോണിക് നമ്പർ 7 ജേഴ്സിയും ലിവർപൂൾ നൽകിയിരുന്നു.