ബ്രസീലിയൻ അറ്റാകിംഗ് ലൂക്കാസ് മൗറ തന്റെ ബാല്യകാല ക്ലബായ സാവോ പോളോയിൽ തിരികെയെത്തി. 2023 ഡിസംബർ വരെയുള്ള കരാർ താരം സാവോപോളോയിൽ ഒപ്പുവെച്ചതായി ക്ലബ് അറിയിച്ചു. അടുത്തിടെ സവോ പോളോ ഹാമസ് റോഡ്രിഗസിനെയും സ്വന്തമാക്കൊയിരുന്നു. സ്പർസിലെ കരാർ തീർന്നതോടെ മൗറ ഫ്രീ ഏജന്റായി മാറിയിരുന്നു.
പരിക്ക് കാരണം അവസാന സീസണിൽ അധികം മത്സരങ്ങളിൽ മൗറ ഇറങ്ങിയില്ല. കുലുസവേസ്കിയും റിച്ചാർലിസണും എല്ലാം ഉള്ളത് കൊണ്ട് സ്പർസിലെ മൗറയുടെ ടീമിലെ സ്ഥാനം ഏറെ പിറകിൽ ആവുകയും ചെയ്തിരുന്നു. 2018-ൽ പാരീസ് സെന്റ് ജെർമെയ്നിൽ നിന്ന് ആയിരുന്നു മൗറ സ്പർസിൽ എത്തിയത്.
2005 മുതൽ 2012 വരെ മൗറ സാവോ പോളോക്ക് ഒപ്പം ഉണ്ടായിരുന്നു. അവിടെ ആയിരുന്നു തന്റെ സീനിയർ അരങ്ങേറ്റം മൗറ നടത്തിയത്.