ലിവർപൂൾ അവസാനം ഒരു സൈനിംഗ് നടത്തുകയാണ്. വലൻസിയയുടെ ഗോൾകീപ്പർ ജിയോർജി മമർദാഷ്വിലിയെ സൈൻ ചെയ്യാൻ ലിവർപൂൾ പൂർണ്ണ ധാരണയിൽ എത്തിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. സൈനിംഗ് ഇപ്പോൾ പൂർത്തിയാകും എങ്കിലും അടുത്ത സീസണിൽ മാത്രമെ താരം ആൻഫീൽഡിൽ എത്തൂ. ഈ സീസണിൽ വലൻസിയക്കായി തന്നെ കളിക്കും.
2022-ൻ്റെ തുടക്കം മുതൽ വലൻസിയയുടെ ഫസ്റ്റ് ചോയ്സ് ഗോൾകീപ്പറായ 23-കാരനായ മമർദാഷ്വിലിക്ക് ആയി 35 മില്യൺ ആണ് ലിവർപൂൾ ട്രാൻസ്ഫർ ഫീ ആയി നൽകുന്നത്. 6’6″ ഉയരമുള്ള ഗോൾകീപ്പർ വലൻസിയയ്ക്കൊപ്പം ഇതിനകം 102 മത്സരങ്ങൾ കളിച്ചിട്ടുണ്ട്. 23കാരൻ ഇന്ന് തന്നെ വൈദ്യപരിശോധനയ്ക്ക് വിധേയനാകും.