ജർമ്മൻ ക്ലബ് ആർ.ബി ലൈപ്സിഗിന്റെ ഹംഗേറിയൻ മുന്നേറ്റനിര താരം ഡൊമിനിക് സൊബോസ്ലായിക്ക് ആയി ലിവർപൂൾ രംഗത്ത്. നിലവിൽ താരവും ആയി ലിവർപൂൾ ചർച്ച നടത്തിയിട്ടുണ്ട്. എന്നാൽ താരത്തിന് ആയി വലിയ തുക മുടക്കാൻ ലിവർപൂൾ തയ്യാറാവുമോ എന്ന കാര്യം വ്യക്തമല്ല. നിലവിൽ ലിവർപൂൾ യുവതാരം കാർവൽഹോ ലോണിൽ ലൈപ്സിഗിന് ആയി ആണ് അടുത്ത സീസണിൽ കളിക്കുക.
എന്നാൽ ഇതുമായി ലിവർപൂളിന്റെ ഡൊമിനികിൽ ഉള്ള താൽപ്പര്യത്തിനു ബന്ധമില്ല. 70 മില്യൺ യൂറോ ആണ് താരത്തിന്റെ റിലീസ് ക്ലൗസ്, എന്നാൽ ഇത് ജൂൺ 30 നു മുമ്പ് ടീമുകൾ ആക്ടിവേറ്റ് ചെയ്യണം. അതിനു ശേഷമാണ് ടീമുകൾ റിലീസ് ക്ലൗസ് എടുക്കുന്നത് എങ്കിൽ താരത്തെ അവർക്ക് ജനുവരിയിൽ മാത്രമെ സ്വന്തമാക്കാൻ ആവൂ. ജൂൺ 30 നു ശേഷം താരത്തിന്റെ വിലയുടെ കാര്യത്തിൽ ക്ലബുകൾക്ക് ലൈപ്സിഗും ആയി ചർച്ചകൾ നടത്താനും ആവും. എന്നാൽ നിലവിൽ ലിവർപൂൾ താരത്തിന്റെ റിലീസ് ക്ലൗസ് ആക്ടിവേറ്റ് ചെയ്യുമോ എന്ന കാര്യം വ്യക്തമല്ല.