ലിവർപൂൾ മിഡ്ഫീൽഡർ ഫാബിയോ കാർവാലോ ലോണിൽ ഹൾ സിറ്റിയിൽ ചേരുമെന്ന് അത്ലറ്റിക് റിപ്പോർട്ട് ചെയ്യുന്നു. ആർബി ലെപ്സിഗിലെ ലോണിൽ നിന്ന് ഈ മാസം ആണ് താരം മാറ്റങ്ങിയെത്തിയത്. 21കാരനായ താരത്തിനായി സതാമ്പ്ടണും രംഗത്ത് ഉണ്ട് എങ്കിലും ഹൾ സിറ്റിയുമായാണ് ലിവർപൂൾ ഇപ്പോൾ ധാരണയിൽ എത്തിയിരിക്കുന്നത്.
2022-ലെ വേനൽക്കാലത്ത് കാർവാലോ ഫുൾഹാമിൽ നിന്ന് ആയിരുന്നു ലിവർപൂളിൽ എത്തിയത്. ഇതുവരെ ആകെ 13 പ്രീമിയർ ലീഗ് മത്സരങ്ങൾ മാത്രമാണ് അദ്ദേഹം ലിവർപൂളിനായി കളിച്ചത്. ജർമ്മനിയിലെ ലോണിലും അദ്ദേഹത്തിന് അധികം അവസരം ലഭിച്ചിരുന്നില്ല. അതാണ് ലിവർപൂൾ ലോൺ കരാർ വെട്ടിക്കുറയ്ക്കാൻ തീരുമാനിച്ചത്.