പാരീസ് സെൻ്റ് ജെർമെയ്ൻ (പിഎസ്ജി) നാപ്പോളി താരം ഖ്വിച ക്വാറത്സ്ഖേലിയയെ സ്വന്തമാക്കാനുള്ള ശ്രമം തുടരുന്നു. ജോർജിയൻ വിംഗർ ലൂയിസ് എൻറിക്വെയുടെ ജനുവരി ട്രാൻസ്ഫർ വിൻഡോയിലെ പ്രധാന ലക്ഷ്യമാണ്. നാപോളിയുമായി 2027 വരെ കരാറിൽ ഉണ്ട് എങ്കിലും ക്ലബ് വിടാൻ ആണ് ക്വിചയുടെ തീരുമാനം.
നാപ്പോളിയുടെ 2022/23 സീരീ എ വിജയത്തിൽ നിർണായകമായ പങ്ക് വഹിച്ച താരമാണ് ക്വാറ. പുതിയ കരാർ ചർച്ചകൾ നാപോളി ആരംഭിച്ചു എങ്കിലും ആ ചർച്ചകൾ മുന്നോട്ട് പോയില്ല. 80 മില്യണോളം ആണ് നാപോളി താരത്തിനായി ആവശ്യപ്പെടുന്നത്. പി എസ് ജി ലോൺ പാക്കേജിലൂടെ താരത്തെ സ്വന്തമാക്കാൻ കഴിയുമോ എന്ന് നോക്കും. അവർ നാപോളിയുമായി ഇപ്പോൾ ചർച്ചകൾ ആരംഭിച്ചിട്ടുണ്ട്.