ഹാമസ് റോഡ്രിഗസ് വീണ്ടും ഫ്രീ ഏജന്റായി. സ്പാനിഷ് ക്ലബായ റയോ വയ്യെകാനോയുമായുള്ള കരാർ അവസാനിപ്പിക്കാൻ താരം തീരുമാനിച്ചു. ഈ സീസൺ തുടക്കത്തിൽ ആയിരുന്നു ഹാമസ് സ്പാനിഷ് ക്ലബിൽ എത്തിയത്. എന്നാൽ അവിടെ 6 മത്സരം മാത്രമാണ് അദ്ദേഹം കളിച്ചത്.
കോപ അമേരിക്കയിൽ ഗംഭീര പ്രകടനം കാഴ്ചവെച്ച കൊളംബിയൻ താരം ബ്രസീൽ ക്ലബായ സാവോ പോളോയുമായുള്ള കരാർ റദ്ദാക്കിയിരുന്നു റയോ വയെകാനോയിലേക്ക് വന്നത്. ഫ്രീ ഏജന്റായ താരം യൂറോപ്പിൽ തന്നെ തുടരാൻ ആകും ശ്രമിക്കുക.
ഈ കഴിഞ്ഞ കോപ അമേരിക്ക ടൂർണമെന്റിൽ 6 അസിസ്റ്റും ഒരു ഗോളും ഹാമസ് സംഭാവന ചെയ്തിരുന്നു. റയൽ മാഡ്രിഡ്, എവർട്ടൺ, ബയേൺ എന്നിവിടങ്ങളിൽ എല്ലാം കളിച്ച താരം അടുത്ത ലോകകപ്പ് വരെ യൂറോപ്പിൽ തുടരാൻ ആഗ്രഹിക്കുന്നു.