ബൊറൂസിയ ഡോർട്ട്മുണ്ടിന്റെ ഐവറി കോസ്റ്റ് മുന്നേറ്റനിര താരമായ സെബാസ്റ്റ്യൻ ഹാളർ ലാ ലീഗ ക്ലബ് ആയ ലെഗാനസിൽ ചേർന്നു. ഈ സീസൺ മുഴുവൻ ലോൺ വ്യവസ്ഥയിൽ ആണ് മുൻ വെസ്റ്റ് ഹാം, അയാക്സ്, ഫ്രാങ്ക്ഫർട്ട് താരം ലെഗാനസിൽ ചേരുന്നത്.
ഈ വർഷം സ്ഥാനകയറ്റം വന്നു ലാ ലീഗയിൽ എത്തിയ അവർക്ക് ലാ ലീഗയിൽ നിലനിൽക്കാൻ ഹാളറിന്റെ വരവ് സഹായിക്കും. സമീപകാലത്ത് ക്യാൻസർ അതിജീവിച്ചു കളത്തിൽ തിരിച്ചെത്തിയ ഹാളർ തന്റെ രാജ്യത്തിനു ആയി ആഫ്രിക്കൻ നാഷൻസ് കപ്പ് കിരീടം നേടുന്നതിൽ നിർണായക പങ്ക് ആണ് വഹിച്ചത്. ഫൈനലിൽ താരം നേടിയ ഗോളിൽ ആണ് ഐവറി കോസ്റ്റ് കിരീടം നേടിയത്.