ബ്രസീലിയൻ യുവ ഫോർവേഡ് ഗുസ്താവോ നൂനസിനെ ബ്രെന്റ്ഫോർഡ് സ്വന്തമാക്കി. ഗുസ്താവോ ബ്രെൻ്റ്ഫോർഡിൽ ചേരാനായി ഇംഗ്ലണ്ടിലേക്ക് പുറപ്പെട്ടതായാണ് റിപ്പോർട്ട്. ഗ്രെമിയോയിൽ ആയിരുന്നു താരം കളിച്ചു കൊണ്ടിരുന്നത്. 2021 മുതൽ ഗ്രെമിയോക്ക് ഒപ്പം താരം ഉണ്ട്. ഈ വർഷമാണ് അവർക്ക് ആയി സീനിയർ അരങ്ങേറ്റം നടത്തിയത്.
ഏകദേശം 12 ദശലക്ഷം യൂറോ നൽകിയാണ് ബ്രെന്റ്ഫോർഡ് താരത്തെ സ്വന്തമാക്കുന്നത്. 18കാരന്റെ കരാറിൽ 20% സെൽ ഓൺ ക്ലോസ് ഗ്രെമിയോ വെക്കും. താരത്തിന് അവിടെ 2028വരെയുള്ള കരാർ ഉണ്ടായിരുന്നു. ഇപ്പോൾ ബ്രെന്റ്ഫോർഡിൽ 2030വരെയുള്ള കരാർ താരം ഒപ്പുവെക്കും എന്നാണ് റിപ്പോർട്ട്.