ഗോട്സെ പി എസ് വി വിടും, താരത്തിനായി മൂന്ന് ക്ലബുകൾ രംഗത്ത്

20220618 163005

ജർമ്മൻ താരം മരിയോ ഗോട്സെ ഹോളണ്ട് വിടും. ഡച്ച് ക്ലബായ പി എസ് വി ഐന്തോവൻ വിടാൻ ഗോട്സെ തീരുമാനിച്ചതായാണ് വിവരങ്ങൾ. രണ്ട് സീസൺ മുമ്പ് പി എസ് വിയിൽ എത്തിയ താരം അവിടെ നല്ല പ്രകടനങ്ങൾ ആണ് ഇതുവരെ കാഴ്ചവെച്ചത്. ഇപ്പോൾ 2024വരെയുള്ള കരാർ ഗോട്സെക്ക് പി എസ് വിയിൽ ഉണ്ട്. പോർച്ചുഗീസ് ക്ലബായ ബെൻഫിക, ജർമ്മൻ ക്ലൻ ഫ്രാങ്ക്ഫർട്, അമേരിക്കൻ ക്ലബായ ഇന്റർ മയാമി എന്നിവരാണ് ഗോട്സെക്ക് വേണ്ടി രംഗത്ത് ഉള്ളത്.

നാലു മില്യൺ യൂറോ ആണ് ബെൻഫികയിൽ ഗോട്സെയുടെ റിലീസ് ക്ലോസ്‌. ഗോട്സെ ഇതുവരെ ഏതു ക്ലബിലേക്ക് പോകണം എന്ന് തീരുമാനിച്ചിട്ടില്ല. ഡോർട്മുണ്ടിൽ നിന്നായിരുന്നു താരം പി എസ് വിയിലേക്ക് എത്തിയത്.

30കാരനായ ഗോട്സെ രണ്ട് ഘട്ടങ്ങളിലായി 16 വർഷത്തോളം കാലം ഡോർട്മുണ്ടിന്റെ ഭാഗമായി കളിച്ചിട്ടുണ്ട്. ബയേൺ മ്യൂണിച്ചിലും മികവ് തെളിയിച്ചിട്ടുള്ള താരമാണ് ഗോട്സെ. 2014ൽ ജർമ്മനിയെ ലോക ചാമ്പ്യന്മാരാക്കിയ ഗോൾ നേടിയ താരം കൂടിയാണ് ഗോട്സെ.

Previous articleക്വാര്‍ട്ടറിൽ ഇന്ത്യന്‍ പ്രതീക്ഷകള്‍ അവസാനിച്ചു, സത്യന് തോൽവി
Next articleപ്രതീക്ഷകൾ കാത്തു, എങ്കെറ്റിയ ആഴ്സണലിൽ കരാർ പുതുക്കി