ഫ്രഞ്ച് ഫോർവേഡ് ഒലിവിയർ ജിറൂഡിനെ എം എൽ എസ് ക്ലബായ LAFC സൈൻ ചെയ്യും. താരവും അമേരിക്കൻ ക്ലബുമായി കരാർ ധാരണയിൽ എത്തിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. യൂറോപ്പിലെ ഈ സീസൺ അവസാനത്തോടെ ജിറൂഡ് അമേരിക്കയിലേക്ക് യാത്ര തിരിക്കും.
എസി മിലാനുമായുള്ള ജിറൂദിന്റെ കരാർ ഈ വേനൽക്കാലത്ത് അവസാനിക്കും. യൂറോ 2024-ന് ശേഷം ആകും അദ്ദേഹം എം എൽ എസ് കളിച്ചു തുടങ്ങുക.
37 കാരനായ ജിറൂഡ് ഫ്രാൻസിൻ്റെ എക്കാലത്തെയും ടോപ് സ്കോററാണ്. ഈ സീസണിൽ എ സി മിലാനായി 26 സീരി എ മത്സരങ്ങളിൽ നിന്ന് 12 ഗോളുകളും എട്ട് അസിസ്റ്റുകളും ജിറൂഡ് സംഭാവന ചെയ്തിട്ടുണ്ട്.