ജോവാഓ ഫെലിക്സ് വീണ്ടും ചെൽസിയിലേക്ക്. അത്ലറ്റികോ മാഡ്രിഡും ചെൽസിയും തമ്മിലുള്ള നീണ്ട ചർച്ചകൾക്ക് ഒടുവിൽ ആണ് ഫെലിക്സിനെ ചെൽസി സ്വന്തമാക്കുന്നത്. പകരം ഗാലഗർ അത്ലറ്റിക്കോ മാഡ്രിഡിലേക്കും പോകും. 6 വർഷത്തെ കരാർ ചെൽസിയിൽ ഫെലിക്സ് ഒപ്പുവെക്കും.
മുമ്പ് 2023ൽ ലോണിൽ ചെൽസിയിൽ ഫെലിക്സ് കളിച്ചിട്ടുണ്ട്. അന്ന് 20 മത്സരങ്ങളിൽ നിന്ന് 4 ഗോളുകൾ മാത്രമെ ഫെലിക്സിന് നേടാൻ ആയിരുന്നുള്ളൂ. അവസാന സീസണിൽ ബാഴ്സലോണയിൽ ആയിരുന്നു ഫെലിക്സ് കളിച്ചത്. അവിടെ 44 മത്സരങ്ങളിൽ നിന്ന് 10 ഗോളുകളും 6 അസിസ്റ്റും താരം നേടിയിരുന്നു
അത്ലറ്റിക്കോ മാഡ്രിഡ് ഹൂലിയൻ ആൽവരസിനെ സ്വന്തമാക്കിയതോടെ ഫെലിക്സ് ക്ലബ് വിടും എന്ന് ഉറപ്പായിരുന്നു. ചെൽസിയുടെ മധ്യനിര താരമായി ഗാലഗർ നാളെ മാഡ്രിഡിൽ എത്തി കരാർ നടപടികൾ പൂർത്തിയാക്കും.