മുൻ മാഞ്ചസ്റ്റർ യുണൈറ്റഡ് താരം എഡിസൺ കവാനി അവസാനം ഒരു ക്ലബിൽ എത്തുന്നു. സ്പാനിഷ് ക്ലബായ വലൻസിയ ആകും കവാനിയെ സ്വന്തമാക്കുന്നത്. പെട്ടെന്ന് തന്നെ ഈ നീക്കം കവാനി പൂർത്തിയാക്കും. നേരത്തെ വിയ്യാറയലും ഫ്രഞ്ച് ക്ലബായ നീസും കവാനിക്ക് വേണ്ടി രംഗത്ത് ഉണ്ടായിരുന്നു. പക്ഷെ കവാനി അവസാനം വലൻസിയ തിരഞ്ഞെടുക്കുക ആയിരുന്നു.
ഫ്രീ ഏജന്റായ കവാനിയുടെ കുടുംബം സ്പെയിനിൽ നിൽക്കാൻ ആണ് ആഗ്രഹിക്കുന്നത്. അതുകൊണ്ട് ആണ് താരം ലാലിഗയിലേക്ക് പോകാൻ തീരുമാനിച്ചത്.
കഴിഞ്ഞ സീസണിൽ മാഞ്ചസ്റ്റർ യുണൈറ്റഡിൽ അധികം തിളങ്ങാൻ കവാനിക്ക് ആയിരുന്നില്ല. നിരന്തരം പരിക്കേറ്റ കവാനിക്ക് വളരെ ചുരുക്കം മത്സരങ്ങൾ മാത്രമെ കളിക്കാൻ ആയുള്ളൂ. മുമ്പ് പി എസ് ജിയിലും നാപോളിയിലും ഐതിഹാസിക പ്രകടനങ്ങൾ നടത്തിയിട്ടുള്ള താരമാണ് കവാനി.