ആഴ്സണൽ പ്രതിരോധതാരം ആസ്റ്റൺ ത്രസ്റ്റി ഷെഫീൽഡ് യുണൈറ്റഡിലേക്ക് അടുക്കുന്നു. 24 കാരനായ അമേരിക്കൻ താരത്തെ 5 മില്യൺ പൗണ്ടിനു വിൽക്കാൻ ആഴ്സണൽ ഷെഫീൽഡ് യുണൈറ്റഡും ആയി ധാരണയിൽ എത്തിയത് ആയാണ് റിപ്പോർട്ട്. കഴിഞ്ഞ സീസണിൽ ബ്രിമ്മിങ്ഹാമിൽ ലോണിൽ ആണ് താരം കളിച്ചത്.
കഴിഞ്ഞ സീസണിൽ ചാമ്പ്യൻഷിപ്പിൽ ബ്രിമ്മിങ്ഹാമിൽ അവരുടെ സീസണിലെ മികച്ച താരം ആവാനും അമേരിക്കൻ താരത്തിന് ആയിരുന്നു. നിലവിൽ ക്ലബുകൾ തമ്മിൽ ധാരണയിൽ ആയെങ്കിലും വ്യക്തിഗത ധാരണ ആയിട്ടില്ല എങ്കിലും അത് ഒരു പ്രശ്നം ആവില്ല എന്നാണ് റിപ്പോർട്ട്. ഈ സീസണിൽ സ്ഥാനക്കയറ്റം കിട്ടി വരുന്ന ഷെഫീൽഡ് യുണൈറ്റഡിലേക്ക് പോകുന്നത് ലെഫ്റ്റ് ബാക്ക്/സെന്റർ ബാക്ക് ആയ താരത്തിനും ഗുണകരമാണ്.