ഡച്ച് ക്ലബ് ഫെയനൂർദിന്റെ സ്ലൊവാക്യൻ പ്രതിരോധ താരം ഡേവിഡ് ഹാങ്കോയെ അത്ലറ്റികോ മാഡ്രിഡ് സ്വന്തമാക്കി. നേരത്തെ സൗദി ക്ലബ് അൽ നസർ 27 കാരനായ താരത്തെ സ്വന്തമാക്കുന്നതിനു അടുത്ത് എത്തിയിരുന്നു. എന്നാൽ കരാർ ഒപ്പ് ഇടുന്നതിന് മുമ്പ് ഈ നീക്കം തകരുക ആയിരുന്നു. തുടർന്ന് ആണ് അത്ലറ്റികോ മാഡ്രിഡ് താരത്തെ ലക്ഷ്യം വെച്ചത്.
ചെൽസിയുടെ റെനാറ്റോ വെയിഗയെ ലക്ഷ്യം വെച്ച സ്പാനിഷ് ക്ലബ് അവസാനം ആണ് ഹാങ്കോയിൽ ശ്രദ്ധ തിരിച്ചത്. സൗദി ക്ലബിന്റെ ഓഫർ ഡച്ച് ക്ലബ് അവസാന നിമിഷം നിരസിച്ചതോടെ രംഗത്ത് വന്ന അത്ലറ്റികോ 30 മില്യൺ അധികം യൂറോ നൽകി ക്ലബും ആയി ധാരണയിൽ എത്തി. തുടർന്ന് താരവും സമ്മതം മൂളിയതോടെ സിമിയോണിക്ക് പുതിയ പ്രതിരോധ താരത്തെ ലഭിക്കുക ആയിരുന്നു.