സെവിയ്യയുടെ അർജന്റീനൻ ലോകകപ്പ് ജേതാവ് മാർക്കോസ് അക്യൂനയെ ലക്ഷ്യമിട്ടു ഇംഗ്ലീഷ് പ്രീമിയർ ലീഗ് ക്ലബ് ആസ്റ്റൺ വില്ല. തങ്ങളുടെ ലെഫ്റ്റ് ബാക്ക് ആയ ലൂകാസ് ഡീനെ സൗദി ക്ലബ് അൽ ഹിലാലിലേക്ക് പോവാൻ തയ്യാറാവുന്നതിനു പിന്നാലെയാണ് പകരക്കാരനായി അക്യൂനയെ കൊണ്ടു വരാൻ ആസ്റ്റൺ വില്ല ഒരുങ്ങുന്നത്. നിലവിൽ സെവിയ്യയും ആയി ചർച്ചകൾ തുടങ്ങിയ വില്ല അവരും ആയി ധാരണയിൽ എത്തിയിട്ടില്ല.
അക്യൂനക്ക് പ്രീമിയർ ലീഗിൽ കളിക്കണം എന്നാണ് താൽപ്പര്യം എന്നാണ് റിപ്പോർട്ടുകൾ. 31 കാരനായ അക്യൂന 2020 ൽ സ്പോർട്ടിങ് ലിസ്ബണിൽ നിന്നാണ് സെവിയ്യയിൽ എത്തുന്നത്. തുടർന്ന് അവർ യൂറോപ്പ ലീഗ് ജയിച്ചപ്പോൾ ആ ടീമിന് ഒപ്പവും അക്യൂന ഭാഗമായി. അർജന്റീനക്ക് ഒപ്പം കോപ്പ അമേരിക്ക, ഫൈനലിസിമ, ലോകകപ്പ് കിരീടങ്ങൾ നേടിയ അക്യൂനയുടെ കളി മികവും പരിചയസമ്പത്തും വില്ലക്ക് വലിയ മുതൽക്കൂട്ട് ആവും.