സ്പെയിനിന്റെ റയൽ സോസിദാഡ് താരം മിഖേൽ മെറീനോയെ സ്വന്തമാക്കാൻ ആഴ്സണൽ ഒരുങ്ങുന്നു. 28 കാരനായ മധ്യനിര താരവുമായി വ്യക്തിഗത ധാരണയിൽ എത്തിയ ആഴ്സണൽ നിലവിൽ സോസിദാഡും ആയി ധാരണയിൽ എത്തുന്നതിനു അടുത്താണ് എന്നാണ് റിപ്പോർട്ട്. ഏതാണ്ട് 30 മില്യൺ യൂറോക്ക് ആവും താരം ആഴ്സണലിൽ എത്തുക. നിലവിൽ മെറീനോക്ക് പകരം പി.എസ്.ജിയിൽ നിന്നു കാർലോസ് സോളറെ എത്തിക്കാൻ ആണ് സ്പാനിഷ് ക്ലബ് ശ്രമം.
മുൻ ബൊറൂസിയ ഡോർട്ട്മുണ്ട് താരമായ മെറീനോ നേരത്തെ കുറച്ചു കാലം പ്രീമിയർ ലീഗിൽ ന്യൂകാസ്റ്റിൽ യുണൈറ്റഡിന് ആയി കളിച്ചിട്ടുണ്ട്. മധ്യനിരയിൽ പ്രതിരോധത്തിലും മുന്നേറ്റത്തിലും മികവ് പുലർത്താൻ കഴിയുന്ന മെറീനോയെ ടീമിൽ എത്തിക്കാൻ വലിയ ശ്രമം ബാഴ്സലോണയും നടത്തിയിരുന്നു. എന്നാൽപരിശീലകൻ മിഖേൽ ആർട്ടെറ്റയുടെ പ്രത്യേക താൽപ്പര്യം ആണ് മെറീനോയെ ആഴ്സണലിൽ എത്തിക്കുന്നത് എന്നാണ് റിപ്പോർട്ട്.