ഈ ട്രാൻസ്ഫർ വിപണിയിൽ മികവ് തുടർന്ന് ആഴ്സണൽ. നേരത്തെ തന്നെ വ്യക്തിഗത ധാരണയിൽ എത്തിയ ഡച്ച് പ്രതിരോധതാരം ജൂറിയൻ ടിംബറിന്റെ കാര്യത്തിൽ അയാക്സും ആയി കരാർ ധാരണയിൽ എത്തി ആഴ്സണൽ. ദ അത്ലറ്റിക് ലേഖകൻ ഡേവിഡ് ഓർസ്റ്റയിൻ ആണ് ഈ വാർത്ത പുറത്ത് വിട്ടത്.
22 കാരനായ അയാക്സ് സെന്റർ/റൈറ്റ് ബാക്കിനെ 40 മില്യൺ യൂറോ കൂടെ 5 മില്യൺ യൂറോ ആഡ് ഓൺ തുകക്ക് ആണ് ആഴ്സണൽ സ്വന്തമാക്കിയത്. നിലവിൽ താരത്തിന് മെഡിക്കലിൽ പങ്കെടുക്കാനും കരാർ ഒപ്പ് ഇടാനും അയാക്സ് താരത്തിന് അനുവാദം നൽകി. ആഴ്സണൽ മാത്രം മതിയെന്ന ടിംബറിന്റെ തീരുമാനം ആണ് ട്രാൻസ്ഫർ കൂടുതൽ എളുപ്പം ആക്കിയത്.