27 കാരനായ സ്പാനിഷ് വിങർ ആദാമ ട്രയോരെ ഫുൾഹാമിൽ ചേർന്നു. വോൾവ്സും ആയുള്ള കരാർ അവസാനിച്ച ശേഷം ഫ്രീ ഏജന്റ് ആയാണ് ട്രയോരെ ഫുൾഹാമിൽ ചേർന്നത്. ആദ്യം 2 വർഷത്തേക്ക് ആണ് താരം ഫുൾഹാമിൽ കരാർ ഒപ്പ് വെച്ചത്. ഇത് ഒരു വർഷത്തേക്ക് കൂടെ നീട്ടാനുള്ള വ്യവസ്ഥയും കരാറിൽ ഉണ്ട്.
ബാഴ്സലോണ അക്കാദമിയിൽ നിന്നു കളി തുടങ്ങിയ ട്രയോരെ ആസ്റ്റൺ വില്ല, മിഡിൽസ്ബ്രോ ടീമുകൾക്ക് ആയി കളിച്ച ശേഷമാണ് 2018 ൽ വോൾവ്സിൽ എത്തുന്നത്. ഇടക്ക് ബാഴ്സലോണയിൽ ലോണിലും താരം പോയി. സ്പാനിഷ് ദേശീയ ടീമിന് ആയി 8 തവണയും താരം കളിച്ചിട്ടുണ്ട്. താരത്തിന്റെ വേഗവും കരുത്തും ഗുണമാകും എന്ന പ്രതീക്ഷയിൽ ആണ് ഫുൾഹാം. ട്രയോരെയുടെ മുൻ വോൾവ്സ് സഹതാരം റൗൾ ഹിമനസും ഈ സീസണിൽ ഫുൾഹാമിൽ എത്തിയിരുന്നു.