ഇന്ത്യയ്ക്ക് ഒപ്പം അണ്ടർ 17 ലോകകപ്പിൽ തിളങ്ങി നിന്ന രണ്ട് താരങ്ങളെ ജംഷദ്പൂർ സ്വന്തമാക്കി. അണ്ടർ 17 ലോകകപ്പിൽ ഇന്ത്യൻ ക്യാപ്റ്റനായിരുന്ന അമർജിത് സിംഗും, ഇന്ത്യയുടെ ആക്രമണ നിര നയിച്ച അനികേത് ജാദവുമാണ് ജംഷദ്പൂരുമായി കരാറിൽ എത്തിയത്. 3 വർഷത്തേക്കാണ് ഇരുവർക്കും ജംഷദ്പൂരുമായുള്ള കരാർ.
കഴിഞ്ഞ സീസണിൽ ഇന്ത്യൻ ആരോസിനൊപ്പം ഐ ലീഗിൽ ആയിരുന്നു ഇരുതാരങ്ങളും കളിച്ചിരുന്നത്. ജംഷദ്പൂർ സൈൻ ചെയ്തു എങ്കിലും ഈ വർഷം ഇരുതാരങ്ങളും ഐ എസ് എല്ലിൽ കളിക്കില്ല. പകരം ഐ ലീഗിൽ തന്നെയാണ് കളിക്കുക. ഒരു വർഷത്തെ ലോണിൽ ഇരുവരും ഇന്ത്യൻ ആരോസിലേക്ക് തന്നെ യാത്രയാകും.
