28 മത്സരങ്ങളിൽ 59 ഗോളും 32 അസിസ്റ്റും, ബ്രസീലിയൻ അത്ഭുത താരത്തെ സ്വന്തമാക്കാൻ മാഞ്ചസ്റ്റർ യുണൈറ്റഡ്

- Advertisement -

ബ്രസീലിൽ നിന്നുള്ള അടുത്ത നെയ്മർ എന്ന് വിളിപ്പേരുള്ള വിനീഷ്യസ് ദോസ് കരാലോ എന്ന യുവതാരത്തെ മാഞ്ചസ്റ്റർ യുണൈറ്റഡ് സ്വന്തമാക്കിയേക്കും. 15കാരനായാ വിനീഷ്യസ് ബ്രസീലിയൻ ക്ലബായ ഫ്ലമെംഗോയുടെ താരമാണ്. ഈ കഴിഞ്ഞ സീസണിൽ ഫ്ലമെംഗോയുടെ അണ്ടർ 20 ടീമിനായി പകരം വെക്കാനില്ലാത്ത പ്രകടനമാണ് വിനീഷ്യസ് നടത്തിയിരിക്കുന്നത്. അറ്റാക്കിംഗ് പൊസിഷനിൽ എവിടെയും കളിക്കാനുള്ള കഴിവ് വിനീഷ്യസിനുണ്ട്.

മാഞ്ചസ്റ്റർ യുണൈറ്റഡും എ സി മിലാനും ആണ് താരത്തിനായി രംഗത്ത് ഉള്ളത്. പ്രാഥമിക ചർച്ചകൾ നടന്നതായും താരം മാഞ്ചസ്റ്റർ യുണൈറ്റഡിലേക്ക് എത്താൻ സാധ്യതയുള്ളതായും ബ്രസീലിയൻ മാധ്യമങ്ങൾ റിപ്പോർട്ട് ചെയ്യുന്നു. ഈ കഴിഞ്ഞ സീസണിൽ ബ്രസീലിയൻ അണ്ടർ 20 ലീഗിൽ 28 മത്സരങ്ങൾ കളിച്ച വിനീഷ്യസ് അടിച്ചു കൂട്ടിയത് 59 ഗോളുകളാണ്. ഒപ്പം 32 അസിസ്റ്റും താരം സംഭാവന ചെയ്തു.

Advertisement