പ്യാനിച് ഇറ്റലിയിലേക്ക് മടങ്ങിയേക്കും

20220518 155633

ബാഴ്സലോണ താരമായ പ്യാനിചിനായി ഇറ്റാലിയൻ ക്ലബ് നാപോളി രംഗത്ത് എന്ന് റിപ്പോർട്ടുകൾ. ഇപ്പോൾ ബാഴ്സലോണയിൽ നിന്ന് ലോണടിസ്ഥാനത്തിൽ തുർക്കി ക്ലബായ ബെസികസിൽ കളിക്കുകയാണ് പ്യാനിച്. താരം സീസൺ പൂർത്തിയാകുന്നതോടെ ബാഴ്സലോണയിൽ തിരികെയെത്തും. സാവിക്ക് പ്യാനിചിനെ ടീമിൽ നിലനിർത്താൻ താല്പര്യമില്ല. അതുകൊണ്ട് താരത്തെ വിൽക്കാൻ ആകും ബാഴ്സലോണയും ശ്രമിക്കുക.

വലിയ വേതനം നൽകേണ്ടി വരുന്നത് കൊണ്ട് തന്നെ പ്യാനിചിനെ ഒഴിവാക്കാൻ ബാഴ്സലോണ കഴിഞ്ഞ സമ്മർ ട്രാൻസ്ഫർ വിൻഡോയിൽ ഉടനീളം ശ്രമിച്ചിരുന്നു. അന്ന് യുവന്റസും പി എസ് ജിയും ഒക്കെ താരത്തിനായി രംഗത്ത് വന്നിരുന്നു എങ്കിലും വേതനം പ്രശ്നമായത് കൊണ്ട് ട്രാൻസ്ഫർ നടന്നിരുന്നില്ല. മൂന്ന് വർഷം മുമ്പ് യുവന്റസിൽ നിന്നായിരുന്നു പ്യാനിച് ബാഴ്സലോണയിൽ എത്തിയത്‌. എന്നാൽ ബാഴ്സലോണയിൽ താരത്തിന് കാര്യമായി തിളങ്ങാൻ ആയില്ല

Previous articleപ്രീസീസണിൽ ഒരു എൽ ക്ലാസികോ
Next articleഎ എഫ് സി കപ്പ്, ആദ്യ പകുതിയിൽ എ ടി കെ മോഹൻ ബഗാനെ തളച്ച് ഗോകുലം കേരള