ഫ്രഞ്ച് താരം എമ്പപ്പെയെ സമീപഭാവിയിൽ തന്നെ റയൽ മാഡ്രിഡ് ജേഴ്സിയിൽ കാണാൻ ആകുമെന്ന് റയലിന്റെ യുവതാരം വിനീഷ്യസ് ജൂനിയർ. എമ്പപ്പയുടെ കൂടെ കളിക്കുന്ന എന്നത് വലിയ ആഗ്രഹമാണ് എന്നും ഉടൻ തന്നെ അത് സാധിക്കുമെന്നാണ് പ്രതീക്ഷിക്കുന്നത് എന്നും വിനീഷ്യസ് പറഞ്ഞു. താൻ മാത്രമല്ല എല്ലാ റയൽ മാഡ്രിഡ് ആരാധകരും എമ്പപ്പെ വരാൻ ആഗ്രഹിക്കുന്നുണ്ട് വിനീഷ്യ പറഞ്ഞു.
എമ്പപ്പയുമായി നേരിട്ട് ഇതുവർവ് സംസാരിച്ചിട്ടില്ല. എന്നാൽ ഇൻസ്റ്റാഗ്രാമിൽ പരസ്പരം മെസേജുകൾ അയക്കാറുണ്ട്. എമ്പപ്പെ സമീപ ഭാവിയിൽ തന്നെ റയൽ മാഡ്രിഡിൽ എത്തുമെന്ന് തനിക്ക് ഉറപ്പാണ്. ആർക്കും അത് തടയാൻ കഴിയില്ല വിനീഷ്യസ് പറഞ്ഞു. ലോകത്തുള്ള എല്ലാ ക്ലബുകളും എമ്പപ്പെ അവർക്കായി കളിക്കണമെന്ന് ആഗ്രഹിക്കുന്നുണ്ട് എന്നും വിനീഷ്യസ് പറഞ്ഞു.