പതിനെട്ട് മാസങ്ങൾക്ക് ശേഷം നടത്തുന്ന ആദ്യ ട്രാൻസ്ഫറിന് സ്പർസ് ഒരുങ്ങിയതായി റിപ്പോർട്ടുകൾ. ലിയോണിന്റെ മധ്യനിര താരം ടാൻഗോയ് എൻടോമ്പലെയെ സ്പർസ് സ്വന്തമാക്കിയതായി റിപ്പോർട്ടുകൾ. ഫ്രാൻസിൽ നിന്നുള്ള റിപോർട്ടുകൾ പ്രകാരം ഏതാണ്ട് 62 മില്യൺ യൂറോ നൽകിയാണ് സ്പർസ് ഫ്രഞ്ച് താരത്തെ ലണ്ടനിൽ എത്തിക്കുന്നത്. തരത്തിനായി യുണൈറ്റഡ്, യുവന്റസ് ടീമുകൾ രംഗത്ത് ഉണ്ടായിരുന്നെങ്കിലും സ്പർസാണ് വിജയിച്ചത്.
ഫ്രഞ്ച് ദേശീയ ടീം അംഗമാണ് എൻടോമ്പലെ. ഫ്രാൻസിനായി ഇതുവരെ നാല് മത്സരങ്ങൾ താരം കളിച്ചിട്ടുണ്ട്. 22 വയസുകാരനായ എൻടോമ്പലെയെ ഇന്ന് ലോക ഫുട്ബോളിൽ ഏറ്റവും മികച്ച യുവ മധ്യനിര താരങ്ങളിൽ ഒരാളായാണ് അറിയപ്പെടുന്നത്. നേരത്തെ ലിയോണിന്റെ പ്രസിഡന്റും താരം ക്ലബ്ബ് വിട്ടേക്കും എന്ന് സൂചനകൾ നൽകിയിരുന്നു. കഴിഞ്ഞ സീസണിൽ 49 മൽസരങ്ങൾ ലിയോണിനായി കളിച്ച താരം 3 ഗോളുകളും 8 അസിസ്റ്റുകളും നേടിയിട്ടുണ്ട്.