Category: Transfer Rumours

പിഎസ്ജിയുടെ പ്രതിരോധതാരം അബ്ദു ഡിയലോയെ ടീമിലെത്തിക്കാൻ മിലാന്റെ ശ്രമം. 26കാരനായ ഡിയാലോയെ 15മില്ല്യൺ നൽകി പ്രതിരോധം ശക്തമാക്കാനാണ് എസി മിലാന്റെ ശ്രമം. അലെസിയോ റോമഗ്നോലിക്ക് പകരക്കാരനായി പ്രതിരോധം ശക്തമാക്കാനാണ് മുൻ ബൊറുസിയ ഡോർട്ട്മുണ്ട് താരത്തിനായി മിലാന്റെ ശ്രമം.

2019ൽ 32മില്ല്യൺ യൂറോ നൽകിയാണ് താരത്തിനെ പിഎസ്ജി സ്വന്തമാക്കിയത്. ഈ കഴിഞ്ഞ സീസണിൽ 16 മത്സരങ്ങൾ ഡിയാലോ പിഎസ്ജിക്കായി കളിച്ചിരുന്നു. ലില്ലെയുടെ ബോട്ട്മാനുമായി ഒരു വെർബൽ അഗ്രിമന്റ് മിലാന് ഉണ്ടായിരുന്നെങ്കിലും സൗദി ബാക്കപ്പുമായി ന്യൂകാസിൽ യുണൈറ്റഡ് ബോട്ട്മാനെ പ്രീമിയർ ലീഗിലേക്ക് എത്തിച്ചിരുന്നു. പണമിറക്കി മിഡ്ഫീൽഡും അറ്റാക്കും മികച്ചതാക്കാൻ ശ്രമിക്കുന്ന മിലാന് ഡിയാലോയെ ടീമിലെത്തിച്ച് ചുരുങ്ങിയ ചിലവിൽ പ്രതിരോധവും ശക്തമാക്കാൻ സാധിക്കും

കരാർ അവസാനിക്കാൻ ഒരു വർഷം കൂടി ബാക്കി നിൽക്കെ യുവന്റസിൽ നിന്നും പുറത്തു കടക്കാൻ ആരോൺ റാംസി. റേഞ്ചേഴ്‌സിലേക്ക് കൈമാറാൻ സാധിക്കില്ലെന്ന് ഉറപ്പായതോടെ താരവുമായുള്ള കരാർ റദ്ദാക്കാൻ യുവന്റസും സന്നദ്ധരാണ്. നാല് മില്യൺ യൂറോയാണ് താരം യുവന്റസിനോട് ആവശ്യപ്പെടുന്നത്. എന്നാൽ ഇത്ര ഉയർന്ന തുക നൽകാൻ യുവന്റസ് സന്നദ്ധരാവുമോ എന്നുറപ്പില്ല. ഏകദേശം 2 മില്യൺ യൂറോ വെയിൽസ് താരത്തിന് നൽകാനാണ് യുവന്റസ് ഉദ്ദേശിക്കുന്നത് എന്നാണ് സൂചനകൾ.

2019 ൽ യുവന്റസിലെത്തിയ താരത്തിന് പരിക്ക് മൂലം പലപ്പോഴും ടീമിൽ ഇടം പിടിക്കാൻ കഴിഞ്ഞിരുന്നില്ല. ആകെ എഴുപതോളം മത്സരങ്ങളിൽ മാത്രമാണ് മൂന്ന് സീസണുകളിലായി ഇറങ്ങാൻ സാധിച്ചത്. അവസാന സീസണിൽ റേഞ്ചേഴ്‌സിൽ ലോണിൽ കളിക്കുകയായിരുന്നു. കൈമാറ്റം സ്ഥിരമാക്കാൻ താരവും യുവന്റസും ശ്രമിച്ചെങ്കിലും സാധിച്ചില്ല. ഇതിടെയാണ് കരാർ റദ്ദാക്കാനുള്ള സാധ്യതകളിലേക്ക് കടന്നത്. ടീമിലെ ഉയർന്ന സാലറി നേടുന്ന താരങ്ങളിൽ ഒരാളാണ് റാംസി. കാർഡിഫ് അടക്കമുള്ള ക്ലബുകളിൽ നിന്നും താരത്തിന് ഓഫർ ഉണ്ട്.

ഇന്റർ മിലാന്റെ സ്ലോവാക്യൻ പ്രതിരോധ താരം സ്ക്രിനിയറിൽ വീണ്ടും താൽപര്യം പ്രകടിപ്പിച്ച് പിഎസ്ജി. അടുത്ത സീസണിലേക്ക് ടീം ശക്തിപ്പെടുത്തുന്നതിന് പിഎസ്ജി പുതുതായി കൊണ്ടു വരാൻ ആഗ്രഹിക്കുന്ന താരങ്ങളുടെ പട്ടികയിൽ മുൻനിരയിലാണ് സ്ക്രിനിയർ.
എന്നാൽ ഇന്റർ മിലാൻ ഇതുവരെ പിഎസ്ജിയോട് ചർച്ചക്ക് സമ്മതം മൂളിയിട്ടില്ല. ഇന്ററിന്റെ പ്രധാന താരങ്ങളിൽ ഒരാളായ ഈ ഇരുപത്തിയേഴുകാരന് ഇന്റർ എത്ര വിലയിടും എന്നതും പിഎസ്ജി ഉറ്റു നോക്കുന്നുണ്ട്. സ്‌ക്രിനിയർക്ക് പുറമെ മറ്റൊരു പ്രതിരോധ താരം ബസ്തോനിക്കും മറ്റ് ക്ലബ്ബുകളിൽ നിന്നും ഓഫർ ഉള്ളതിനാൽ ഇന്ററിന്റെ പ്രതികരണം എന്താകും എന്നത് ഇതു വരെ വ്യക്തമല്ല.

നിലവിൽ തങ്ങളുടെ ആദ്യ മുൻഗണന ഡിബാല അടക്കമുള്ളവരുടെ കൈമാറ്റത്തിൽ ആയതിനാൽ അതിന് ശേഷം മാത്രമേ പിഎസ്ജിയുമായി കൂടുതൽ ചർച്ചകളിലേക്ക് ഇന്റർ മിലാൻ കടക്കാൻ സാധ്യതയുള്ളൂ.

യൂറോപ്പിലെ നിലവിലെ ഏറ്റവും മികച്ച പ്രതിരോധ താരങ്ങളിൽ ഒരാളായി കണക്കാക്കുന്ന താരമാണ് മിലാൻ സ്ക്രിനിയർ. 2017ലാൻ ഇന്റർ മിലാന്റെ നിരയിൽ എത്തുന്നത്. ഇതുവരെ 215 മത്സരങ്ങളിൽ സീരി എ വമ്പന്മാർക്ക് വേണ്ടി ഇറങ്ങി. പതിനൊന്ന് വർഷങ്ങൾക്ക് ശേഷം ഇന്റർ മിലാൻ സീരി എ ജേതാക്കൾ ആയപ്പോൾ ടീമിലെ നിർണായക സാന്നിധ്യം ആയി.

പോർച്ചുഗീസ് യുവതാരം റെനാറ്റോ സാഞ്ചേസ് ലില്ലെ വിടാൻ സാധ്യത. സീരി എ ചാമ്പ്യന്മാരായ എ സി മിലാൻ ആണ് റെനാറ്റോ സാഞ്ചേസിനെ സ്വന്തമാക്കാൻ ശ്രമിക്കുന്നത്. കഴിഞ്ഞ ജനുവരി മുതൽ സാഞ്ചേസ് മിലാനുമായി ചർച്ചകൾ നടത്തുന്നുണ്ട്. ചെറുപ്പം മുതലെ വലിയ ക്ലബുകൾ പിറകിൽ ഉള്ള താരമാണ് റെനാറ്റോ. താരം മുമ്പ് പല വലിയ ക്ലബുകൾക്കും കളിച്ചിട്ടുണ്ട് എങ്കിലും അപ്പോഴൊന്നും പ്രതീക്ഷയ്ക്ക് ഒത്ത് തിളങ്ങാൻ ആയിരുന്നില്ല.

എന്നാൽ അവസാന വർഷങ്ങളിൽ തന്റെ പൊടൻഷ്യലിലേക്ക് റെനാറ്റോ ഉയർന്നിട്ടുണ്ട്. 2019 മുതൽ താരം ലില്ലെയിൽ ഉണ്ട്. ലില്ലെക്ക് ഒപ്പം സാഞ്ചേസ് ലീഗ് കിരീടവും നേടിയിട്ടുണ്ട്. ഇപ്പോൾ പോർച്ചുഗീസ് ദേശീയ ടീമിലെയും സ്ഥിര സാന്നിദ്ധ്യം ആണ് സാഞ്ചസ്. മുമ്പ് ബെൻഫികയ്ക്ക് ആയി കളിച്ചാണ് സാഞ്ചസ് ലോക ശ്രദ്ധ നേടിയത്. അവിടെ നിന്ന് ബയേണിലേക്ക് എത്തിയ സാഞ്ചേസിന് പക്ഷെ അവിടെ നിരാശയായിരുന്നു ഉണ്ടായിരുന്നത്. ബയേണിൽ അധികം അവസരവും സാഞ്ചേസിന് കിട്ടിയിരുന്നില്ല.

2016 യൂറോ കപ്പിൽ പോർച്ചുഗലിനെ ചാമ്പ്യന്മാർ ആക്കുന്നതിൽ വലിയ പങ്കുവഹിച്ച താരവുമാണ് റെനാറ്റോ.