ബാഴ്സലോണ ആരാധകരോട് മാപ്പു പറയാൻ ഒരുങ്ങി നെയ്മർ

Newsroom

Download the Fanport app now!
Appstore Badge
Google Play Badge 1

ബാഴ്സലോണയിലേക്ക് തിരികെ വരാൻ വേണ്ടിയുള്ള ശ്രമത്തിന്റെ ഭാഗമായി ബാഴ്സലോണ ആരാധകരോട് പരസ്യമായി ക്ഷമ പറയാൻ ഒരുങ്ങുകയാണ് നെയ്മർ. മുമ്പ് ബാഴ്സലോണയിൽ നാലു വർഷത്തോളം കരാർ ബാക്കിയിരിക്കെ വൻ തുക വാഗ്ദാന ചെയ്ത പി എസ് ജിയിലേക്ക് നെയ്മർ കൂടു മാറിയിരുന്നു. ഇപ്പോൾ പി എസ് ജി വിട്ട് ബാഴ്സയിലേക്ക് വരാൻ ശ്രമിക്കുകയാണ് നെയ്മർ.

എന്നാൽ ബാഴ്സലോണ നെയ്മറിനെ എടുക്കണമെങ്കിൽ ആദ്യം നെയ്മറിനോട് ആരാധകർക്ക് ഉള്ള രോഷം പോകേണ്ടതുണ്ട്‌ അതിനായി നെയ്മർ പരസ്യമായി ബാഴ്സലോണ ആരാധകരോട് മാപ്പു പറയും എന്ന് വിദേശ മാധ്യമങ്ങൾ റിപ്പോർട്ട് ചെയ്യുന്നു. നേരത്തെ ബ്രസീലിയൻ ഇതിഹാസം റിവാൾഡോ നെയ്മറിനോട് പരസ്യമായി മാപ്പു പറയാൻ ആവശ്യപ്പെട്ടിരുന്നു. ഒപ്പം ബാഴ്സലോണ ക്ലബ് അധികൃതരും ഇതാവശ്യപ്പെട്ടതായാണ് വിവരങ്ങൾ.