യുവന്റസ് സൂപ്പർ താരം മരിയോ മാൻസുകിചിനെ സ്വന്തമാക്കാൻ ശ്രമിച്ച് ലാസിയോ. യുവന്റസിൽ നിന്നും മാൻസുകിച് ഈ ട്രാൻസ്ഫർ ജാലകത്തിൽ പുറത്ത് പോകുമെന്നത് ഏതാണ്ടുറപ്പായി കഴിഞ്ഞു. യുവന്റസ് പരിശീലകൻ അല്ലെഗ്രിക്ക് പകരക്കാരനായി മൗറിസിയോ സാരി ടൂറിനിൽ എത്തിക്കഴിഞ്ഞു. സാരിയുടെ ഗെയിം പ്ലാനിൽ 33 കാരനായ മാൻസുകിചിന് റോളുണ്ടാകില്ലെന്നതുറപ്പായി കഴിഞ്ഞു.
അക്രമണത്തിന്റെ കടിഞ്ഞാൺ ക്രിസ്റ്റ്യാനോ റൊണാൾഡോയുടെ കയ്യിലായിരിക്കും. 2021 വരെ യുവന്റസിൽ തുടരാനുള്ള കരാർ മാൻസുകിച്ചിനുണ്ട്. 4 മില്ല്യൺ യൂറോയാണ് പ്രതിവർഷം മാൻസുകിചിന് ലഭിക്കുന്നത്. ഈ ഉയർന്ന പ്രതിഫലം നൽകാൻ ലാസിയോ തയ്യാറാകുമോ എന്ന് കാത്തിരുന്നു കാണാം. 2015ലാണ് അത്ലെറ്റിക്കോ മാഡ്രിഡിൽ നിന്നും ഇറ്റലിയിലേക്ക് താരമെത്തിയത്.
