ബാഴ്സലോണയുടെ ബ്രസീലിയൻ താരം മാൽകോം റഷ്യയിലേക്ക് പറക്കുമെന്ന് സൂചന. മാൽകോമിനായി 40മില്ല്യൺ മുടക്കാൻ റഷ്യൻ ക്ലബ്ബായ സെനിറ്റ് സെന്റ് പീറ്റേഴ്സ്ബർഗ് എഫ്സി തയ്യാറായെന്നാണ് പുറത്ത് വരുന്ന വിവരങ്ങൾ. റോമ കരാർ ഉറപ്പിച്ച മാൽകോമിനെ ഹൈജാക്ക് ചെയ്താണ് ബാഴ്സലോണ ടീമിലെത്തിച്ചത്.
മധ്യനിര താരമായ മാൽകോം എന്നാൽ ലാ ലീഗയിൽ അധികം തിളങ്ങാനായില്ല. കഴിഞ്ഞ സീസണിൽ 6 മത്സരങ്ങളിൽ മാത്രമാണ് മാൽകോം സ്റ്റാർട്ട് ചെയ്തത്. പരിക്കും താരത്തിന്റെ സ്പാനിഷ് കരിയറിന് തിരിച്ചടിയായിരുന്നു. അന്റൊണിൻ ഗ്രീസ്മാന്റെ ബാഴ്സലോണയിലേക്കുള്ള വരവും ക്ലബ്ബ് വിടാനുള്ള താരത്തിന്റെ തീരുമാനത്തെ സ്വാധീനിച്ചു. ബോർഡോക്സിന്റെ താരമായിരുന്ന മാൽകോം ബ്രസീൽ ജൂനിയർ ടീമുകൾക്ക് വേണ്ടി കളിച്ചിട്ടുണ്ട്.
