റയൽ മാഡ്രിഡിന്റെ കൊളംബിയൻ താരം ഹാമസ് റോഡ്രിഗസ് അവസാനം റയൽ മാഡ്രിഡ് വിടുന്നു. അവസാന രണ്ടു വർഷം ലോണിൽ ബയേൺ മ്യൂണിക്കിനായി കളിച്ച താരം ഈ മാസത്തോടെ ലോൺ കഴിഞ്ഞ് തിരികെ റയൽ മാഡ്രിഡിൽ എത്തിയിരുന്നു. ഇറ്റാലിയൻ ക്ലബായ നാപോളി ആണ് ഹാമസിനെ സ്വന്തമാക്കാൻ ശ്രമിക്കുന്നത്. അടുത്ത് ദിവസങ്ങളിൽ തന്നെ ഹാമസ് നാപോളിയിൽ എത്തിയേക്കും.
ഏകദേശം 40 മില്യണോളമാണ് ഹാമസിനു വേണ്ടി നാപോളി റയൽ മാഡ്രിഡിന് വാഗ്ദാനം ചെയ്യുന്നത്. ഇതിലും വലിയ തുക റയൽ നേരത്തെ പ്രതീക്ഷിച്ചിരുന്നു എങ്കിലും ഇപ്പോൾ നാപോളിക്ക് താരത്തെ കൈമാറാൻ തന്നെയാണ് റയലിന്റെയും തീരുമാനം. ആദ്യ വർഷം 5മില്യണ് താരത്തെ ലോണിൽ എടുത്ത ശേഷം അടുത്ത വർഷം 35 മില്യൺ നൽകി സ്വന്തമാക്കാൻ ആണ് നാപോളിയുടെ പദ്ധതി. റയലിൽ തിളങ്ങാൻ കഴിഞ്ഞിരുന്നില്ല എങ്കിലും ബയേണി അവസാന രണ്ട് വർഷം മെച്ചപ്പെട്ട പ്രകടനമായിരുന്നു ഹാമസ് കാഴ്ചവെച്ചിരുന്നത്.