ബേൺമൗത്തിന്റെ ഘാന ഫോർവേഡ് ആൻ്റോയിൻ സെമെൻയോയെ സ്വന്തമാക്കാൻ ടോട്ടനം ഹോട്ട്സ്പർ ശ്രമിക്കുന്നതായി റിപ്പോർട്ടുകൾ. 70 ദശലക്ഷം പൗണ്ട് എന്ന ബേൺമൗത്തിന്റെ ഉയർന്ന മൂല്യനിർണ്ണയമാണ് സ്പർസിന് മുന്നിലുള്ള പ്രശ്നം. മാഞ്ചസ്റ്റർ യുണൈറ്റഡ് പോലുള്ള മറ്റ് ക്ലബ്ബുകൾ ഈ ഉയർന്ന ട്രാൻസ്ഫർ തുക ആയതു കൊണ്ട് പിന്മാറിയിരുന്നു.
സെമെൻയോ ഈ കഴിഞ്ഞ സീസണിൽ മികച്ച ഫോമിലായിരുന്നു. 2024–25 സീസണിൽ 42 മത്സരങ്ങളിൽ നിന്ന് 13 ഗോളുകളും കഴിഞ്ഞ രണ്ട് സീസണുകളിലായി 21 ഗോളുകളും അദ്ദേഹം നേടി. 2023 ജനുവരിയിൽ ബ്രിസ്റ്റോൾ സിറ്റിയിൽ നിന്ന് ചേർന്നതിന് ശേഷം, മാനേജർ അൻഡോണി ഇറാവോളയുടെ കീഴിൽ അദ്ദേഹം ഒരു പ്രധാന കളിക്കാരനായി മാറി. 2024 ജൂലൈയിൽ അഞ്ച് വർഷത്തെ പുതിയ കരാറിലും അദ്ദേഹം ഒപ്പുവെച്ചിരുന്നു.
ബ്രെന്റ്ഫോർഡിൽ നിന്ന് ബ്രയാൻ എംബ്യൂമോയെ സ്വന്തമാക്കാനും സ്പർസ് ശ്രമിക്കുന്നുണ്ട്. എന്നാൽ എംബ്യൂമോ മാഞ്ചസ്റ്റർ യുണൈറ്റഡിലേക്കുള്ള മാറ്റമാണ് ഇഷ്ടപ്പെടുന്നത്. മാഞ്ചസ്റ്റർ യുണൈറ്റഡ് 55 ദശലക്ഷം പൗണ്ട് ഉൾപ്പെടെയുള്ള ഒരു ബിഡ് സമർപ്പിച്ചിട്ടുണ്ട്.