ടോട്ടനം ഹോട്ട്സ്പറിന്റെ പുതിയ പരിശീലകനായി ബ്രെന്റ്ഫോർഡ് പരിശീലകൻ തോമസ് ഫ്രാങ്ക് നിയമിതനാകുന്നു. ടോട്ടനം ബ്രെന്റ്ഫോർഡുമായി ധാരണയിൽ എത്തിയതായി ഇംഗ്ലീഷ് മാധ്യമങ്ങൾ റിപ്പോർട്ട് ചെയ്യുന്നു. യൂറോപ്പ ലീഗ് കിരീടം നേടിക്കൊടുത്തെങ്കിലും പ്രീമിയർ ലീഗിൽ 17-ാം സ്ഥാനത്തേക്ക് ആയതിനാൽ ആഞ്ചെ പോസ്റ്റെകോഗ്ലോയെ സ്പർസ് പുറത്താക്കിയിരുന്നു. ഇതിനു പകരമാണ് ഫ്രാങ്ക് എത്തുന്നത്.
നിലവിലെ ഫ്രാങ്കിനെയും അദ്ദേഹത്തിന്റെ പരിശീലക സംഘത്തെയും ബ്രെന്റ്ഫോർഡിൽ നിന്ന് വിട്ടയക്കുന്നതിനുള്ള 10 ദശലക്ഷം പൗണ്ടിന്റെ നഷ്ടപരിഹാര പാക്കേജിന് സ്പർസ് സമ്മതിച്ചു.
2016 മുതൽ ബ്രെന്റ്ഫോർഡിൽ പ്രവർത്തിക്കുന്ന ഫ്രാങ്ക്, 2018-ൽ മുഖ്യ പരിശീലകനായി ചുമതലയേൽക്കുന്നതിന് മുമ്പ് അവിടെ അസിസ്റ്റന്റ് ആയിരുന്നു. 2021-ൽ ബീസിനെ പ്രീമിയർ ലീഗിലേക്ക് ഉയർത്തിയ അദ്ദേഹം, അതിനുശേഷം അവരെ ലീഗിലെ ഒരു സ്ഥിരതയുള്ള ടീമാക്കി മാറ്റി. 13-ാം, 9-ാം, 16-ാം, 10-ാം സ്ഥാനങ്ങളിൽ ലീഗിൽ ഫിനിഷ് ചെയ്യാൻ അദ്ദേഹത്തിന് കഴിഞ്ഞിട്ടുണ്ട്.