കേരള ബ്ലാസ്റ്റേഴ്സിന്റെ സ്ഥിര പരിശീലകരായി തങ്ങളെ നിയമിക്കുമോ എന്ന കാര്യത്തെ കുറിച്ച് അറിയില്ല എന്ന് കേരള ബ്ലാസ്റ്റേഴ്സ് താൽക്കാലിക പരിശീലകൻ ടി ജി പുരുഷോത്തമൻ. മത്സര ശേഷമുള്ള ബ്രോഡ്കാസ്റ്റർ ചടങ്ങിൽ സംസാരിക്കവെ ഒരു ചോദ്യത്തിന് മറുപടിയായാണ് ടി ജി ഭാവിയെ കുറിച്ച് സംസാരിച്ചത്.
കേരള ബ്ലാസ്റ്റേഴ്സിന്റെ താൽക്കാലിക പരിശീലകരായി ടി ജി പുരുഷോത്തമനും തോമക്ക് തൂഷും ചുമതലയേറ്റ ശേഷം നാല് മത്സരങ്ങളിൽ മൂന്നും കേരള ബ്ലാസ്റ്റേഴ്സ് വിജയിച്ചു. ഈ പശ്ചാത്തലത്തിൽ ആയിരുന്നു ചോദ്യം.
ഈ ചോദ്യത്തിന് എങ്ങനെ ഉത്തരം പറയണം എന്ന് എനിക്ക് അറിയില്ല. എന്നാൽ എന്ത് ഭാവിയിൽ നടക്കും എന്ന് നോക്കാം. ടി ജി പറഞ്ഞു. ഞങ്ങൾ ഇപ്പോൾ ജോലിയിൽ തന്നെയാണ്. സദാസമയം ഈ ടീമിനെ മെച്ചപ്പെടുത്താൻ നോക്കുക ആണ് എന്നും ടി ജി പുരുഷോത്തമൻ പറഞ്ഞു.