സന്തോഷ് ട്രോഫിയിൽ കേരളത്തിന്റെ ക്യാപ്റ്റൻ ആം ബാൻഡ് അണിഞ്ഞിട്ടുള്ള ഗോൾ കീപ്പർ മിഥുൻ ഇനി മലപ്പുറം എഫ് സിയിൽ. സൂപ്പർ ലീഗ് കേരള ക്ലബായ മലപ്പുറം എഫ് സി താരത്തെ സൈൻ ചെയ്തതായി പ്രഖ്യാപിച്ചു. എസ് ബി ഐ താരവുമായി ഒരു വർഷത്തെ കരാർ മലപ്പുറം എഫ് സി ഒപ്പുവെച്ചു.
31 വയസ്സുകാരനായ, കണ്ണൂർ സ്വദേശി മുമ്പ് കേരള യുണൈറ്റഡിലും കളിച്ചിട്ടുണ്ട്. മിഥുൻ ദീർഘകാലമായി സന്തോഷ് ട്രോഫി ടീമിൽ അംഗമാണ്. 2018 സന്തോഷ് ട്രോഫി വിജയിക്കുകയും ചെയ്തു. ബിനോ ജോർജ് നയിച്ച കഴിഞ്ഞ സന്തോഷ് ട്രോഫി കേരളത്തിന്റെ ക്യാപ്റ്റൻ കൂടി ആയിരുന്നു മിഥുൻ.