സൂപ്പർ ലീഗ് കേരള രണ്ടാം സീസണിൽ മലപ്പുറം എഫ് സിക്ക് വിജയ തുടക്കം. ഇന്ന് മഞ്ചേരി പയ്യനാട് സ്റ്റേഡിയത്തിൽ നടന്ന മത്സരത്തിൽ തൃശ്ശൂർ മാജിക് എഫ് സിയെ ആണ് മലപ്പുറം പരാജയപ്പെടുത്തിയത്. എതിരില്ലാത്ത ഒരു ഗോളിനായിരുന്നു വിജയം.
വിരസമായ ആദ്യ പകുതിയിൽ കാര്യമായ മുന്നേറ്റങ്ങൾ ഒന്നും വന്നിരുന്നില്ല. രണ്ടാം പകുതിയിൽ 71ആം മിനുറ്റിൽ ഒരു പെനാൽറ്റി ആണ് സമനിലപ്പൂട്ട് തകരാൻ കാരണം. മുൻ ഐ എസ് എൽ ഗോൾഡൻ ബൂട്ട് വിന്നർ ആയ റോയ് കൃഷ്ണ ആണ് പെനാൽറ്റി ലക്ഷ്യത്തിൽ എത്തിച്ചത്. അവസാന നിമിഷങ്ങളിൽ നന്നായി പ്രതിരോധിച്ച് വിജയം ഉറപ്പിക്കാൻ മലപ്പുറത്തിനായി.