സൂപ്പർ ലീഗ് കേരളയുടെ പുതിയ സീസണിനായുള്ള ഒരുക്കങ്ങൾക്കിടയിൽ മിഡ്ഫീൽഡർ ഫൈസൽ അലിയെ ടീമിൽ എത്തിച്ച് തൃശൂർ മാജിക് എഫ്സി. ക്ലബ്ബിന്റെ സാമൂഹ്യ മാധ്യമങ്ങളിലൂടെയാണ് ഈ വിവരം അറിയിച്ചത്. ആക്രമണത്തിൽ തന്ത്രശാലിയും വേഗതയുമുള്ള താരമാണ് ഫൈസൽ അലി. ബെംഗളൂരു എഫ്സി, മുഹമ്മദൻ എസ്സി, പോലീസ് അത്ലറ്റിക് ക്ലബ്ബ് തുടങ്ങിയ ടീമുകൾക്ക് വേണ്ടിയും ഫൈസൽ കളിച്ചിട്ടുണ്ട്.
കഴിഞ്ഞ സീസണിൽ കൊൽക്കത്ത ഫുട്ബോൾ ലീഗിൽ പോലീസ് എസിക്ക് വേണ്ടി 5 ഗോളുകളും 4 അസിസ്റ്റുകളും നേടി മികച്ച പ്രകടനമാണ് ഫൈസൽ കാഴ്ചവെച്ചത്. ഇതോടെ തൃശൂർ മാജിക് എഫ്സിയുടെ ആക്രമണം കൂടുതൽ ശക്തമാകും. അവർ കഴിഞ്ഞ ദിവസം സുമിത് റതിയെയും സൈൻ ചെയ്തിരുന്നു.